Wednesday, December 14, 2011

Огторгуйн цагаан замд юу болох бол?


Огторгуйн цагаан замд юу болох бол?
Агуу бүхэн өнгөрсөн зуунуудад байлаа. Зуу зуун жилүүд өөрийн гэсэн агуу үнэлэмжтэй байдаг харагддаг. Тэдгээр зуунуудад хийж бүтээсэн бүтээлээрээ хүмүүн төрөлхтөн багагүй туршлагыг хуримтлуулж чадсан гэж ойлгож байна. 
Түүхийн үйл явдал хувьсамтгай ба цаг хугацаа тогтмол гэж би ойлгодог. Цаг хугацааг тоолж харьцуулж буй өнөөдрийн энэ их “хөл үймээн” Мел Гибсоний 2006 онд бүтээсэн “Апокалипсис”-ээс үүдсэн биш бололтой. Харин Нострадамусын зөгнөлд л байлаа. 
Түүн дээр өгүүлэхдээ дэлхийн төгсгөл ойртох тусам цөлжилт бий болно гэж сануулж байсан юм. Энэ зөгнөлт туурвилын шинж тэмдэг нь өөрийн зэргэлдээ оршин үйл ажиллагааг явуулагч Будда багшийн ирээдүй цагийг зөгнөн номлосон сударт дурдсанчлан эх болсон зургаан зүйл амьтаны ертөнцөөс гагц “Хүмүүний орон тэр аяараа элсээр хучигдана” гэсэнтэй дүйдэг. 
Энэ судрийн сануулсан дохиогоор “Муу цагт туйлын нэрийг сүсэгтэн хиртүүлэн атгаг муу санаа сэтгэлд орохын цагт, хилэнц нүглээр хоол хийхийн цагт хүмүүний амьдралыг нар хорлохын цэн таван хором дотор...” гэсэн нь өнөөгийн хэлээр атмосфер дахь озоны давхарга цоорсноос үүдсэн уур амьсгалын дулаарал таван хэмд хүрэхэд амьтан, хүн орших нөхцөлгүй болно гэсэн шинжлэх ухааны нотолгоотой дүйнэ. 
Бурхан багш Шагжаан овогтын агь Сиддхарта буюу Будда галав юүлж, дэлхий хэвийн байдалаан алдах цагт, хүмүүн төрөлхтний нүднээс нүлимс бус цус гарахын цагт, огторгуйн төвөөс Майдар бурхан гарч ирнэ хэмээсэн нь өөрийнхөө төгсгөлийг бус дахин хүмүүн төрөлхтөнд буцаж ирэх талаархи эш үзүүлсэн хэрэг байлаа. 
МЭӨ 1000-МЭ 1500 жилийн хооронд иргэншин амьдарсан маяачууд ч “төгсөшгүй хуанли”-даа өөрсдийнхөө мөхлийг хүртэл зөгнөсөн гэдэг бөгөөд ирэх жилээс дуусаж буй нарны цагны мөчлөгт сүүлчийн өдрийг зааж “Дараачийн дахин төрөлт,мөхөлийн эцсийн цэг” гэж нэрлэсэн байх нь хүн төрөлхтөнд өгсөн Нарны хөвгүүдийн хаант улсын мэдээлэл байлаа. Ирэх жилээс хүмүүнд гарз тохиол, олз ашиг янз бүрээр ирнэ би үүнд итгэж байна. Би сайн сайханы сэтгэл санааны гэгээн гэгээлэг энеригээр бие биесдээн хандаж төгсгөл болох их эргэлтийн жилээн угтацгаая гэж уриалмаар байна. 
Тун удахгүй цөөхөн сарын дараа он солигдох нь. Энэ нь та биднийг амьдралдаан өөрчлөлт хийх хэрэгтэй гэдэгийг сануулж байна. 
Тэгээд та үхэлд бэлэн үү?
11.10.04