Марс руу хүмүүсийг илгээж гараг хоорондын амьдралын тогтолцоог бүтээнэ.

    

    Эрт цагаас хойш тэнгэрт буй оддыг хүмүүс ихэд сонирхон судалж байв. Ойролцоогоор 4000 жилийн өмнө тэнгэрт буй одод хэрхэн хөдөлж, өөрчлөгдөж байгаа талаар тэмдэглэж үлдээсэн байдаг.  1965 оныг хүртэл бид эх дэлхийгээс бүгдийг дуран авайгаар тольдож байсан. Тухайн үед НАСА олон улсын сансрын агентлаг нь Маринер 4 хөлгийг дэлхийгээс гадагш сансар луу илгээсэн бөгөөд сансарын хязгаарт буй оддын байдлыг тандах зорилготой байлаа. Тун удалгүй судалгааны үр дүн гарч олон тооны зургуудыг тов тодорхой авч чадсан юм. Зургуудын тоонд Марс гараг буюу бидний нэрлэдэг Улаан нүдэн гарагийн бодит зураг ордог. Энэхүү зурагт бид тус гарагийн геологийн тогтоц болон ерөнхий онцлогийг харж чадна. Эл бүгд нэгээс нөгөөд хамааралтай шинжлэх ухааны баримт юм. 

    Америкийн нэгдсэн улсын Сансар судлалын агентлаг. Өөрөөр хэлбэл орчлон ертөнцийг судлах чиглэлээр ажилладаг НАСА нь /улаан нүдэн/ гарагийн гадаргуу дээр хүн буулгах хэтийн төлөвлөгөөтэй ажиллаж байна. Агентлагийн төлөвлөгөөний дагуу бол 2030 он гэхэд эх дэлхийгээс анхны хүнийг тэнд буулгах боловч гагцхүү энэ нь дан ганц төлөвлөгөө биш юм. 

    Бүгд найрамдах Хятад ард улс мөн адил энэхүү төлөвлөгөөний дагуу маш сайн, хүчин чадалтай илүү том хөлгүүдийг хийхээр судалж байна. Мөн Элон Маскийн хэрэгжүүлж буй сансар судлалын салбарт хийх том мөрөөдлийн нэг нь Марс гараг дээрх хүний гараар бүтсэн анхны суурин соёл иргэншлийн нэг гэж хэлж болохуйц их хотын мөрөөдлийг дурдахгүй байж үл болно. Энэхүү хотыг бүтээх нь тооцооллоор бол 2050 онд гэхэд 1 сая гаруй оршин суугчтай Марс Хот юм. 

    Марс руу хүмүүсийг илгээж гараг хоорондын амьдралын тогтолцоог бүтээнэ. 

    Бид гайхалтай төлөвлөгөөний талаар сонсож байгаач хэрэв Марс гараг дээр амьдрах юм бол ямар түвшинд бидний амьдрал өрнөх бол гэсэн асуулт үүснэ. 

    Марс гарагийн нэг жил дэлхий дээрх жилээс бараг хоёр дахин урт буюу 687 хоног үргэлжилдэг. Юутай ч энэ нь нарнаас хол тэнхлэгээр тойрон эргэхэд хэчнээн их хугацаа шаардагдах болохыг харуулж байгаа юм. Мөн дэлхий дээрх шиг 4 улирал тэнд байгаа ч эх дэлхий дээр байгаа мэт санагдахгүй. Марс нь бидний төсөөлсөн шиг хөлөө жийгээд дарс шимээд нарлах наран шарлагын газартай Хавай биш. Тэнд маш хүйтэн байдаг. Учир нь гэвэл нарнаас хол байсантай холбоотой. Үүнээс болж тус гарагийн атмосфер нь эх дэлхийн атмосферээс 100 дахин нимгэн бөгөөд нарнаас ирэх дулааныг хангалттай сайн барьж чаддаггүй. 

    Дундаж температур Фаренгейтийн хасах 80 градус байна. Өвлийн улиралд туйлын ойролцоо -195 ° F хүртэл хүйтэн, эсвэл зуны улиралд экваторын ойролцоо 70 ° F хүртэл хүйтэн байдаг боловч зуны өдөр шөнөдөө -100 ° F хүртэл огцом унах боломжтой байдаг. Энэхүү хүчин зүйлээс болж температурын хэт хэлбэлзэл үүсч марс гарагийн ил гадаргуу дэх элс, чулуулаг нь дулаанаа маш хурдан алдахад хүргэдэг. 

    Хүчтэй шороон шуурга заримдаа долоо хоногоос хэдэн сар хүртэл үргэлжилнэ. Энэ бүхэн нь Монгол улсын нутаг дэвсгэрийг гурав дахин нийлүүлсэн хэмжээтэй болно. Гэхдээ хүн төрөлхтөн тус гараг дээр оршин суух үедээ энэхүү давагдашгүй хүчин зүйлийг төвөггүй аргалах боломжтой. 

    SpaceX's Starlink шиг хиймэл дагуулууд марс гарагийн тойрог замд эргэлдэж болзошгүй байгалийн хүчин зүйлсийг цаг тухайд мэдээлэлж улмаар боломжит байдлаар сэргийлэх юм. Тэгэхээр гарагийн шороон шуурга болон тэсгэм хүйтэн температурын тухгүй нөхцөлүүд нь нэг их том асуудал биш болно. Мөн тэнд байгаа бас нэг том асуудал нь цацраг идэвхжилт... 

    Дэлхийн агаар мандал болон соронзон халхавч хамгаалалт нь биднийг сансрын хамгийн аюултай туяанаас ч хамгаалж чаддаг. Хэрэв биднийг агаар мандалгүй болгох юм бол хамгийн түрүүнд хорт туяанд хордож эхэлнэ. 

    Харин марс гараг нь маш нимгэн агаар мандалтай учраас хорт туяаны цохилт дэлхийгээс илүү байна гэсэн үг. Газар доор байшин барих нь хамгийн утга учиртай байж болох боловч тоос шороо, хагархай чулуулаг гэх мэт сул орд газруудаар хамгаалалтын давхарга хийж болно. Эргэн тойронд ийм зүйл олон бий. 

    Хамгаалалтын давхарга нэгэнт хийсэн бол та энэ бүрхүүл дотор тусгай хувцасгүй алхаж болно. Харин хамгаалалтын давхаргын гадна талд бол огт өөр матери оршин тогтнох болно. Хүчилтөрөгчийн нэмэлт баллонгүй гадагш гарах юм бол амьсгалж чадахгүй ба агаар нь нүүрс төрөгчийн давхар исэлтэй тул таныг шууд үхэлд хүргэнэ. 

    Наса агентлаг нь нүүрс төрөгчийн давхар исэлийг хүчилтөрөгч болгох туршилтыг хийж байна. Марс гараг дээр газардах төлөвтэй байгаа Perseverance rover нь автомашины батерейны хэмжээтэй хүчилтөрөгчийн үүсгүүрийг туршиж эхэлсэн. Тус гарагт буй хүчилтөрөгчийн асуудал нь бидний хувьд хэчнээн бэрхшээлтэй боловч ургамал тариалалтын технологиудаар шийдвэрлэх бүрэн боломжтой. 

    Гарагийн агаарын хэм нь тэсгэм хүйтэн учир ургамлын өсч ургах таатай орчин болж чадахгүй... эл бүгдийг тусгай бүрхүүл бүхий хүлэмжийн систем шийднэ. Мөн хүнсний хангалттай нөөцтэй байх нь чухал боловч Марс дээр амьдрах боломжийг бүрдүүлэгч бас нэгэн гол хүчин зүйл бол ус юм. Тэнд маш их хэмжээний усны нөөц шаардлагатай бөгөөд бүх зүйлс нь хэрэгцээ шаардлагад аяндаа нийцэж байх ёстой. Харин энэхүү асуудлыг шийдэж болохуйц нөөц олдсон нь Королевын тогоо нэртэй умард туйлын хөлдүү /82.0765 км орчим/ мөс юм. Түүнчлэн асар том мөсөн голын судлыг марс гарагийн чулуулаг тогтцын доороос илрүүлсэн ба усны нөөцийг тус судлаас татаж авах бүрэн боломжтой гэж үзэж байна. 

    Дурдах ёстой хамгийн хэцүү зүйл бол хүн ам ихтэй мега хэмжээтэй хотын соёл иргэншлийг дэмжихэд хангалттай хэмжээний ундны усны нөөцийг олборлох технологийн шийдэл олох явдал юм. 

    Марс гараг дээр амьдрах нь бодсон шиг тийм хялбар биш болох нь олон зүйлээр батлагдаж байна. Тэнд амьдралын төлөөх олон талын бэрхшээлтэй хүчин зүйлүүд алхам тутамд тулгарах болно. Дэлхий дээр амьдардаг шиг Хөвсгөл ногоон цай ууж суунгаа хов базах тайван зүйл тэнд байхгүй ба бүх зүйлд хувийн хариуцлага дэг журам хатуу хэрэгжинэ. Улмаар Марс гарагийн засгийн газрын шударга хууль, дүрэм бий болно. Бидний түүхийн гуйланчлал дэх шударга нийгмийн тогтолцоо Марс гараг дээр л хэрэгжих боломжтой.

 

  Ирээдүйд хүмүүс жуулчилж зочлохыг хүсч байгаа эсэх, эсвэл тэндээ байнга амьдрахаар төлөвлөж байгаа эсэхээс үл хамааран улаан гараг дээр маш их зүйл өрнөнө. Байгалийн тогтцын хувьд ер бусын бөгөөд таны үзэх ёстой газар нь Олимп Монс буюу Марс гарагийн галт уул юм. Галт уулыг сүүлд Mars Orbiter Laser Altimeter багажаар хэмжиж үзхэд 21 км гаруй өндөр нарны аймгийн хамгийн өндөр уул болохыг тогтоосон юм. Энэ нь ойролцоогоор Франц улсын нутаг дэвсгэртэй тэнцэхүйц том нутаг дэвсгэрийг эзэлж байна. Галт уулын бүс дэх уул нуруудын тогтоц нь дэлхийн онцлогоос хамаагүй нүсэр байдаг нь таталцалын хүч сул байдагтай холбоотой гэж үздэг. Хэрэв та таталцлын сул орчинд нохойгоо салхилуулахыг хүсвэл алхана гэдэг хэсэгтээ зугаатай байх болно. Хөөрхий бээжин хавд тийм ч таатай биш байх болов уу. 

    Татах хүч нь дэлхийтэй харьцуулахад ердөө 38 орчим хувьтай байдаг. Хэрэв та дэлхий дээр 45 кг жинтэй байсан бол Марс дээр ирсэн даруйдаа зөвхөн 17 кг жинтэй болж гайхамшиг бүтээх болно. Судалгаанаас үзхэд хамгийн тохиромжтой алхах хурд нь таны одоогийн хурдны тэн хагас орчим байна. Өдөржингөө сонирхолтой газраар аялсны дараа нар жаргахыг харах мөч хамгийн сонирхолтой хөтөлбөрт багтана. Тэр үед нар таны мэлмийд өчүүхэн жижиг гэрэлт гараг шиг харагдана. Мөн агаарын урсгалаас үүссэн гарагийн тоосонцор нь тэнгэрийг сийлгэр цэнхэрдүү харагдуулна. Шөнөдөө хоёр сарыг үзэх болно. Хоёр сарны нэрийг Deimos, Phobos гэж нэрлэх ёстой. Сарны хэлбэр манай дэлхийн сартай харьцуулах аргагүй ба арай өөр хэлбэртэй харагдана. 

    Марс гарагийн ирээдүйн төлөвийг улам нарийн тооцоолж байгаа бөгөөд дэлхийн орчинтой адил агаар мандал шиг хүрээлэн буй орчныг бий болгох талаар судлаачид судалж байна. Элон Маскийн санал болгосноор бол туйлын мөсөн бүрхүүлийг ууршуулж гарагийг дулаацуулах явдал юм. Их хэмжээний усны дусал агаарт бий болсноор устөрөгч бүхий хүлэмжийн эко систем бүрэлдэх ёстой. Элоны сэдсэн бас нэг боломжит хувилбар бол нарны гэрлийг Марсын хөрс гадаргуу дээр хангалттай тусгахын тулд гэрэл цацруулагч болох олон мянган хиймэл цайр самбар дагуул хийнэ... эсвэл аварга том хүнхэр толь ашиглах явдал юм. Энэ их бүтээн байгуулалтын үйл явц нь мэдээж мань эрийн халаасан дахь санхүүгийн боломжийг шалгах тул эргэлзээтэй төсөл байх болно. 

    Одоогийн нөхцөл байдлаараа марс гарагийн эко тогтолцоо дэлхий гарагийн тав тухтай харьцуулах юм биш. Уулархаг хад асга, нарийн тоос шороотой, цөлийн ертөнцөд очиж амьдарна гэдэг тийм ч сайхан сонсогдохгүй. Хэрэв та оргилсон сэтгэл хөдлөлөөр Марс гараг дээр амьдрах юм бол шинжлэх ухааны гайхалтай зөгнөлөөс огт өөр орчин угтана. Тэнд хэнч байхгүй ба зөвхөн үхмэл ертөнцөд аж сууна. Үе үе олон хоног үргэлжилсэн шороон шуурга нь таныг ээлжит сонгуулийн талаар санал бодолоо илэрхийлэх зав чөлөө өгөхгүй юм. 

    Хэрэв олон улсын сансрын агентлагууд болон компаниуд, их бүтээн байгуулалтад нэгдэж чадвал энэхүү мөрөөдөл, зүгээр ч нэг яриа, ширээний голд хэвтэх цаас биш болж бодит байдал руу дөхнө. Ирээдүйд итгэж байна.

Хэрэв та Блокчэйн болон Крипто зах зээлийн
талаархи мэдээллийг цаг тухайд нь авахыг хүсвэл доорхи текст дээр дарж орно уу. КРИПТО ЖИРГЭЭ - Metaverse Project
Мөн ШУ-ны тайлал, Танин мэдэхүйн холбогдолтой контент бүрийг үзэхийг хүсвэл
ТАЙЛАЛ МН
Зугаатай хийгээд илүү шуурхай мэдээллийг нэг дороос бол
INSTAGRAM

2020.12.25

Хиймэл оюун ухаан ба хүн төрөлхтөнд ирэх бэлэг

Хиймэл оюун ухаан ба хүн төрөлхтөнд ирэх бэлэг 

    Tesla Inc, SpaceX-ийн захирал Элон Маск бусад судлаачдын хамт 2016 онд байгуулсан Neuralink компани нь AI цахим чип хөгжүүлж хүний тархинд суулгаж ашиглах зорилготой аж. Улмаар Ирээдүйд хүмүүс Альцгеймер, дементиа, нугасны гэмтэл гэх мэт өвчнийг эмчлэхэд тусална гэж итгэж байна. Чипийг хүний тархинд суулгах төсөл нь сонирхолтой ирээдүй хүлээж байгаа ба хүмүүс гадаад хэл сурахын тулд том ном барих шаардлаггүй, зөвхөн тухайн улсын хэлний багц төлбөрийг төлөөд чөлөөтэй Франц хэлээр ярих ажээ. Элон Маск нэгэнтээ: “Хэдийгээр хиймэл оюун ухааны хэтийн хөгжил нь кино мэт санагдаж байгаач бид тэрхүү ирээдүйн ард нь байх болно”. Neuralink корпораци бол Элон Маск болон бусад судлаачдын үүсгэн байгуулсан мэдрэлийн хяналтын интерфейс (NCI), оюун ухаан-машины интерфэйс (MMI), шууд мэдрэлийн интерфейс (DNI), эсвэл тархи-машины интерфейс (BMI), тархи-компьютерийн интерфейс (BCI), (BMI) Америкийн мэдрэлийн технологийг боловсруулдаг компани юм. Компанийн төв байр нь Сан Франциско хотод 2016 онд байгуулагдсан бөгөөд 2017 оны 3-р сард анх олон нийтэд мэдээллэсэн. Энэхүү технологийн салбар нь Элон Маскийн хариулсан хувилбараар бол хүн төрөлхтний ойрын ирээдүйд аюул учруулах гэхээс илүү эерэг зүйлсийг авчрах юм байна. Тэр дундаа бид энэхүү технологийн хөгжилд итгэх юм бол маш олон зүйлийн ард гарч чадна. Бидний гар дээрх ухаалаг утас шиг олон зүйлийг хялбаршилж, хийж илэрхийлж үл чадах зүйлсийг ухаалаг буюу хиймэл оюун ухаан төвөггүй шийдэж чадна. Харин энэхүү технологийг хөгжүүлэх явцад асуудал улам нарийн болж ирэх ба бичил дамжуулалтын хувьд материал хэтэрхий удаан байгаад асуудал буй аж. Энэ бол мэдээлэл дамжуулах хурдны асуудал юм. 

    Учир нь энэ судалгааны үр дүнгээр хүний тархинд очих мэдээллийн гинжин холбоог хангалттай хурдан дамжуулж авч чадахгүй байгаа бөгөөд их удаан байгаа аж. Хиймэл оюун ухааны цаашдын зорилго нь олон салбар луу чиглэж байгаа ч хүний оюун ухаан, ухамсрын түвшинд ойртож очих тал дээр илүү анхаарах болсон. Neuralink –ийн үзэж буйгаар хүний тархины эсэнд цахим чипийн мэдрэгчийг холбох үйл ажиллагаа судалгааны түвшинд явж байгаа бөгөөд тус чип нь чигчий хуруу дарам хэмжээтэй байх аж. 

    Энэхүү өчүүхэн хэмжээтэй чипийг гавлын тодорхой хэсэгт лазерын технологийн багажаар суулгах бөгөөд маш нарийн үйл явцын дараах үр дүнд бүрэн ажиллагаатай болохыг батлах юм. Чип нь тархины гавлын ясан дээр байрлахаас гадна 1000 гаруй ширхэгтэй хүний үснээс 10 дахин нарийн утаснууд тархины бор, цагаан эсийн түвшинд мэдрэлийн Нейрон эсүүдтэй холбогдох ёстой аж. Neuralink компанийн үзэж байгаагаар бол ирээдүйд бий болох энэ үйл ажиллагаа нь хүний тархинд ямар нэгэн асуудал үүсгэхгүй болохыг баталж байгаа ба харин олон тооны тархины өвчлөл, мэдрэлийн гаралтай эмгэгийг эмчлэх, урьдчилан сэргийлэх олон талын ач холбогдолтой болохыг дурдаж байна. 

    Чингэхлээр Neuralink яаж ажиллах вэ? Хэрхэн тархины хүчин чадлыг нэмэгдүүлэх бол? Энэ нь тус салбар судалгааны хүрээнд маш энгийн аж. Хүний тархи нь 100 тэрбум орчим Нейрон эсээс бүрддэг. Нейрон эс бүр хамтдаа нэгдэж, синапсаар дамжиж маш том сүлжээ үүсгэдэг. Эдгээр сүлжээ бүхий гинжин холбоос нь хоорондоо нейротрансмиттер гэж нэрлэгддэг химийн дохио өгөгдлийг ашиглан бидний бүхийл ухамсарт үйл ажиллагааг зохицуулж байна. Энэ бүхний үр дүнд та бүх зүйлийг харж, үнэрлэж, амталж, мэдэрдэг ба олон зүйлсийн харилцан уялдаа холбоо, логих үйл ажиллагааг хариуцах боломж бүрддэг. Энэхүү боломжийг үндэслэж Neuralink-ийн эцсийн зорилго болох хиймэл оюун ухааныг бодит бодгаль хүний ухамсарт оюун ухааны механизмд нэвтрэх түлхүүр нь чипийг зохион бүтээж тус нууцлаг тогтолцоонд технологийн тусламжтайгаар хөндлөнгөөс оролцох юм. Тархинд суулгасан бичил электродын утаслаг холбоосууд нь нейрон эсийн нөхцөлт мэдээлэл болох бидний үйл хөдлөлийн мэдээллийг цахим чип рүү дамжуулж өгнө. 

    Улмаар чихний ард суурилуулсан төхөөрөмж рүү дамжуулсэн өгөгдлийг ухаалаг утас, технологийн аппликейштай холбогдож тархинд юу болж байгааг уншиж, тасарсан хэлхээг сэргээх юм. Электродууд нь бидний тархины чадварыг нэмэгдүүлэхийн тулд урьд өмнө хийж байснаас их хэмжээний дарааллаар аль болох олон тооны мэдрэлийн эсийг өдөөх зорилготой ажээ. 

    Энэхүү төсөлийн ирээдүйн зорилго нь хүний амьдралд тохиолдох олон муу зүйлийг арилгах зорилготой бөгөөд тархины цөөнгүй тооны өвчлөлийг эмчлэх боломж бүрдэнэ. Neuralink компанийн хэлж байгаагаар хүний хөдөлгөөний саажилт, сохор хүмүүс, Айлзхаймерийн өвчлөл, тархины архаг шинжийн тодорхойгүй өвчлөл зэргийг эмчлэх төгс боломжийг бий болгон гэж үзэж байна. 

    Жое Рожерын ярилцлаганд оролцсон Элон Маск нэгэнтээ “...Энэхүү технологийн ирээдүй нь зарчмын хувьд тархинд ямар нэгэн эрсдэл үүсгэх боломжтой боловч төхөөрөмжийг туршилтын журмаар нэг жилийн дотор хэн нэгэнд суулгаж болно” гэжээ. Чип суулгах туршилт хэдийн сармагчин дээр амжилттай хийгдсэн бөгөөд тархин дэх бичил компьютерын тусламжтайгаар туршилтын сармагчин өөрийгөө удирдаж байгаа гэв. 

    Neuralink-ийн хэтийн зорилго хүмүүст тус хүргэх бөгөөд анхны туршилт 2016 онд хийгдсэн. Жишээлбэл: Matthew Nagle гэгч эр харамсалтай хэргийн улмаас тархинаас дооших биеэ удирдах боломжгүй болсон байдаг. Тэрээр хөдөлгөөнгүй болсон байв. Түүний алдагдсан хөдөлгөөнийг сэргээх зорилгоор тархи-машины интерфейс (BMI)-ийг анх удаа түүний зөвшөөрлөөр амжилттай туршсан байдаг. 

    Хэдийгээр Neuralink нь зөвхөн тархины эмгэгийг эмчлэх зорилготой байгаа ч энэ нь компанийн дөнгөж эхлэх цэг ажээ. Хэтийн ирээдүй нь Neuralink-ийн хувьд хүний тархины төрөлх чадвар, чадамжийг илүү их өсгөх боломжийг эрэлхийлсэн замнал байх болно. 

    Чингэхлээр Neuralink-ийн хөгжүүлж буй төхөөрөмж нь ирээдүйд ямар гайхалтай зүйлсийг авчрах бол? Элон Маскийн дурдснаар “...Хүмүүс кино шиг бүх зүйлийг эргэн санаж, боломжтой гэх бүх зүйлсийг нарийн сайн санах чадвартай болно. Бид ер бусын ой санамжтай, гоц ухаантай болно”. Мөн хэн нэгэн гадаад руу урт хугацааны аялал хийхээр төлөвлөж байвал тэр хүнд тухайн улсын хэлийг сурах программыг санал болгоно. Санал болгосон мэдээллийн баазаас хэлний чиглэл дагуу таталт хийж авснаар тухайн гадаад хэлээр төвөггүй ярьж байх явдал юм. Мөн та хэн нэгэнтэй ярих шаардлагагүйгээр тухайн ижил чип суулгасан хүнтэй алсаас холбогдож, харилцан бие биендээ оюун бодлоор холбоо тогтоох боломжтой. Эрт үеийн аман домог дэх телепатик харилцаа холбоо домог биш болох боломж ердөө 5 юм уу 10 жилийн дараа бий болох боломжтой болсон. Neuralink бол тархины машины интерфейсийн тал дээр маш сайн хөгжүүлэх өндөр сонирхолтой олон тооны компаниудын нэг юм. 

    Жишээлбэл Фэйсбүүк компани хиймэл оюун ухааны салбар дэх судалгааг санхүүжүүлж эхэлсэн бөгөөд энэ нь зөвхөн оюун бодлоор өгөгдлийг шууд ухаалагаар бичих боломжийг танд олгох ёстой аж. Марк Зукербэрг хэлэхдээ: "...Ирээдүйн харилцаа холбооны платформ төлөвийг бид тодорхойлно” гэв. Энэ талаар хүний тархины долгионыг илрүүлж оновчтой хариу үйлдэл үзүүлэх ухаалаг телепатик технологи бий болгох тал дээр нухацтай ажиллаж байгаа ба энэ талаар 2015 онд мэдэгдэж байв. 

    Харин Google-ийн толгой компани болох Alphabet Inc нь хүний өвчлөлийг багасгах зорилготой хиймэл оюун ухаант төхөөрөмжийн салбар дээр ахиц гаргах судалгааны байгууллагатай. 

    Neuralink-ийн эцсийн зорилго бол хиймэл оюун ухааны технологийг биологийн олон эст биетэд шууд нөлөөлөх, удирдах явдал юм. Байгаль дээр эдгээр хоёр хүчин зүйлүүд харилцан бие биендээ ашигтайгаар холбоо тогтоох нь ирээдүйд олон талын ач холбогдолтой бөгөөд цаашлаад дэлхийн экологийн шим мандалд үлэмж өөрчлөлт авчрах ёстой. Энэ утгаар хүний оршин амьдрах зүй тогтлыг хиймэл оюун ухаантай холбож хамтдаа хөгжих боломжийг эрэлхийлэх болно. Гэвч энэхүү холбоо хамааралд дунд үүсэх хиймэл оюун ухааны зүгээс аюулыг бий болох боломжтой тул маш хянуур, аюулгүй байдлыг өндөр түвшинд сахих шаардлага аяндаа гарч ирэх нь ойлгомжтой. 

    Жишээлбэл таны ашигладаг хиймэл оюун ухааны чипийг хакерууд эвдэх юм бол бодит аюул нүүрлэнэ. Хэрэв энэ бүхэн таны тархин дэх чип дотор болох юм бол хувь хүний эрх чөлөө, аюулгүй байдлын талд маш том асуудал үүснэ. Хувь хүн бүр энэ талаар ирээдүйд маргаан үүсгэх нь гарцаагүй бөгөөд засгийн газраас бидэнд суулгасан өгөгдлийг хэрхэн аюулгүй байлгах, иргэд бүрийн хувийн мэдээлэл бүхий өгөгдлийн санг анхдагч хувилбар байдлаар хяналтандаа авах тал дээр олон янзын асуудлууд шат бүртээ үүсч эхлэх нь мэдээж. Мөн мэдээллийн санг хэрхэн аюулгүй хадгалж хамгаалах гэх мэт үндсэн асуулт гарсаар байх болно. Гэвч хүн төрөлхтөн урагш улам ахисаар байх болно. Байгаль дэлхий бидний эрхшээлд улам бүр орох болно. 

Альфа ба Омега цэгт хараахан хүрээгүй байна. 

2020.12.20

Харин хиймэл оюун ухааны түүх, ирээдүй, хүн төрөлхтөний хойшдын мөхөлийн тухай нийтлэл уншмаар бол доорх линк дарж уншаарай. 

ХИЙМЭЛ ОЮУН УХААНЫ ХӨГЖИЛ ХҮН ТӨРЛӨХТӨНИЙГ МӨХӨЛД ХҮРГЭНЭ.

Хэрэв та Блокчэйн болон Крипто зах зээлийн
талаархи мэдээллийг цаг тухайд нь авахыг хүсвэл 

доорхи текст дээр дарж орно уу. 

КРИПТО ЖИРГЭЭ - Metaverse Project
Мөн ШУ-ны тайлал, Танин мэдэхүйн холбогдолтой контент бүрийг үзэхийг хүсвэл
ТАЙЛАЛ МН
Зугаатай хийгээд илүү шуурхай мэдээллийг нэг дороос бол
INSTAGRAM

Өвгийн шинж илрэх үзэгдэл ба ертөнцийн чимээ

In biology, an atavism is a modification of a biological structure whereby an ancestral genetic trait reappears after having been lost through an evolutionary change in previous generations

2010 онд Техас мужын Хюстон хотын зүрхний эмнэлэгт 59 настай нэгэн өвчтөн түргэн тусламжийн тусламжтайгаар хүргэгджээ. Өвчтөний хэлснээр түүний цээж маш их зовиуртай өвдөлт өгч байсан бөгөөд эмч нарийн үзлэгээр ер бусын нээлт хийсэн байна. Өвчтөний зүрх нь 3 тосгуур ховдолтой байх нь тэр. Энэ нь хүнд байдаггүй тохиолдол бөгөөд зөвхөн хэвлээр явагчдад байдаг бие физиологийн онцлог юм. судлаачид энэхүү онцлог шинж бүхий ховор тохиолдлыг биологи болон хувьслын явцад үлдэж хоцорсон өвгийн шинж тэмдэг ажиглагдах Атавизмын нэг тохиолдол хэмээн нэрлэсэн. Олон үе удмын дараа өвгийн шинж тэмдэг зарим бодгаль биед буцаж илрэхийг атавизм буюу өвгийн шинжээ давтах үзэгдэл гэнэ. Сонирхолтой нь энэ ойлголтыг судлаачид эрт дээр үеэс судалж эхэлсэн бөгөөд гарал үүслийг таньж мэдэхийн тулд хэвлээр явагчид болон бусад амьтны аймгуудыг харьцуулан судлах шаардлага аяндаа гарч ирсэн. жишээлбэл загас нь хувьсал хөгжлийн загварчлал дотроос усны амьтны аймгийн түвшингээс бусад амьтны төрлүүдийн өвөг гэж болохуйц санааг дэвшүүлсэн байдаг. Мөн загас нь 2 тасалгаатай зүрхний ховдол тосгууртай байдгаараа хэвлээр явагчдаас нэг шат доогуур бол сүүн тэжээлтны багт орох хүн болон хөхтөн адгуус нь 2 тосгуур, 2 ховдолтой байдаг аж. Хөхтөн болон шувуу, загасны төрөл зүйлс үр хөврөлийн явцад нэн төстэй хэлбэрээр хөгжиж байгааг харж болно. Харин хэлбэрийн хувьд илүү төсөөтэй шинжийг ажиглая гэвэл бүр эрт үр тээлтийн үеийг нь харах хэрэгтэй ба эндээс та бараг ялгагдах юмгүй үр хөврөлийн төсөөтэй талыг ажиглах болно. Өвчтөний зүрх яагаад хэлбэр болон зохион байгуулалтын хувьд өвөг хэв шинжтэй төсөөтэй байгаа нь хэвлээр явагчтай хамаатай юу гэдэг асуудал урган гарна. Хүний бие өвгийн шинж тэмдэг ажиглагдсан энэхүү үзэгдэл бол маш ховор тохиолдол ажээ. Генетик нөхцөлүүдэд авч үзвэл энэ тохиолдол нь цэвэр хэвлээр явагчидтай холбогдох ёстой. 1800 оны үед анагаахын шинжлэх ухаан болон аман ярианы тэмдэглэл зэрэгт 100 гаруй тохиолдол Европт тэмдэглэгдсэн байна. Хүмүүс үл мэдэгдэх өвчнөөр өвчилж байсан бөгөөд онцлог нь ямар ч халдваргүй байв. 

    Жишээлбэл: Загасны хайрс шиг хууриа арьстай, хурууны мөч хоорондын таславчгүй нийлсэн хуруунууд болон үе мөч бүр нь нийлж гаж хөгжилтэй төрөх зэрэг олон зүйлсийг дурдаж болно. Гэвч жигд бус ийм гаж хөгжлийг бидний балар цагийн өвгийн үлдэгдэл хэв шинж бодгаль биед буцаж илрэх үзэгдэл хэмээн тайлбарлаж байгаа аж. Зарим судлаачид энэ нь магадгүй хэвлээр явагч амьтны хэв шинж нь хүний хөгжлийн явцад үлдэж хоцорсон үлдэгдэл илрэл гэж үзээд хэд хэдэн үеийн дараа давтамжтай гарч ирэх үзэгдэл болохын хамт харийн ертөнц эсвэл био инженерчлэлийн үед хийгдсэн эрлийзжүүлэлтийн шинж гэж үзэж байгаа аж. Эртний мэдлэг, мэргэн ухаан, астро судлаачид энэ талаар харин өөр бодолтой байгаа бөгөөд тэд энэ үзэгдлийг дэлхийн соёл иргэншлийн олон баримтуудаас хайж байна. Үүний нэг баталгаа нь Хятадын анхны эзэн хаан Фуши юм. 

    Түүний талаар олон арван домог байдаг бөгөөд тэдгээрийн нэгэнд өгүүлснээр бол...тэрээр домог ёсоор хүн төрөлхтний өвөг гэж үздэг. Өөрөөр хэлбэл Адам болон Евагийн домог шиг... Бүтээгч домог ёсоор бол Фуши нь Нюватай хамт зэрэгцэн оршдог байсан бөгөөд Кунлун уулын оройд залрахын зэрэгцээ... хожим хамт нийлж (өнөөгийн Хуашан) хүн төрөлхтний анхны хүмүүсийн өвөг дээдэс болсон гэдэг. Домгийн үйл явдалд өгүүлснээр бол... Нэг өдөр тэд хоёр салангид овоолго бүхий мод овоолон тавьж өөрсдийгөө шатаасан ба гал нь эцэстээ нэгэн цул галын дөл болж улмаар хамтдаа нэгдсэн гэж үздэг.

    Сонирхолтой нь тэдний биеийн дээд хэсэг нь хүн хэлбэртэй байсан бол доод хэсэг нь могойн биетэй байсан гэдэг. Энэ мэт домогт ихэвчлэн доод бие нь могой биетэйгээр дүрсэлдэг. Дэлхийн олон орны түүх домогтой энэ мэт төсөөтэй бичгийн болон аман домог сурвалжууд бүхий л соёлуудад нэн төсөөтэй дурддаг байна.

    Үүнд: Япон, Грек болон Өмнөд Америк зэрэгт маш их аж. жишээлбэл ханын товгор загвараар урласан урлагын бүтээлүүдэд ер бусын хүн болон амьтны хосолмол дүрслэлүүд түгээмэл байгаагаас эртний библи сударт хүртэл анхны бүтээгч эзний эсрэг дүрийг могойгоор дүрсэлж сайн, муу сэтгэлийн хүн чанарыг үүтгэсэн ч гэж үзэх нь бий. Энэ мэт зөндөө төсөөллийн бүтээлүүд байдаг бөгөөд хүний оюун бодолд л дүрслэгдэх эдгээр гаж оршихуй нь гагцхүү эртний ариун судар бичгүүдэд илүүтэй дүрслэгдэж үлдсэн байна. Алтай язгуурын гарвал үүсэлтэй Ази хүмүүсийн сая сая нялх хүүхдүүдэд өвөрмөц хөх толбо зөвхөн хонгон дээр нь байдаг байна. Энэ талаар нягтлан судалж үзхэд Хөх толбо нь ихэнхдээ Монголчууд, Түрэгүүд болон Хятад, Япон болон Солонгос улсад тохиолдох бөгөөд эцэг эхийн аль нэг нь хөх толботой үед 90-95%-д нь, харин зүүн Африк болон индианчуудын 80-90%-д нь тус тус тохиолддог. 

    Мөн Энэтхэгийн ойролцоох газар нутгийн, Энэтхэг, Пакистан, Афганистан, Бангладеш зэрэг улс оронд бас тохиолддог. Түүнчлэн олон тооны аварга биетэй хүмүүсийг дүрсэлдэг бөгөөд эртний судар бичгүүд дотроос хуучин гэрээнд аварга биет Нефилимчүүдын талаар дурдсан бөгөөд эрт цагийн баатарлаг, дайнч тэнгэрийн орны эрс газрын бүсгүйчүүдтэй сууж байсныг тухай гардаг. Хуучин гэрээ болон адармаатай маш олон судар бичгүүдэд дурдах үлгэр, домгийн аварга биетнүүдийн үйлс хэргийн талаар барим тавим өгүүлдэг аж. Бид хувьслын явцад хөгжих явцдаа тусгай сансрын эрчимт хүн байсан уу эсвэл өнөөх хэвлээр явагч, загас, болон дараах үл мэдэгдэх хүчин зүйлүүд асуулт хэвээр үлдэнэ. Харин шинжлэх ухааны загварчлал бүхий тооцооллоор бол хүний үүсэл гарвал бий болох урьдах нөхцөлийг дахин боловсруулах боломжтой гэж үзэж байна. Биологийн ямарч төрөл зүйл нь өөрийн гэсэн генетик мэдээлэлтэй бөгөөд тэр бүгдийг нь гаднаас эсвэл байгаль дэлхий дахин боловсруулах бүрэн боломжтой аж. 

Хүн төрөлхтний үүсэл гарвал нь гагцхүү өвгийн шинж үзэгдэх атавизмаар тайлах нь зүй ёст нийцсэн туйлын үнэн биш боловч бидний өвөг дээдсээс дамжуулж хадгалж ирсэн генийн мэдээлэл бүрт хэрэггүй үлдмэл ашигт бус шинж тэмдгүүд хойшид олон шинж тэмдгээр гарч ирэхийг үгүйсгэх аргагүй.

Хэрэв та Блокчэйн болон Крипто зах зээлийн
талаархи мэдээллийг цаг тухайд нь авахыг хүсвэл 

доорхи текст дээр дарж орно уу. 

КРИПТО ЖИРГЭЭ - Metaverse Project
Мөн ШУ-ны тайлал, Танин мэдэхүйн холбогдолтой контент бүрийг үзэхийг хүсвэл
ТАЙЛАЛ МН
Зугаатай хийгээд илүү шуурхай мэдээллийг нэг дороос бол
INSTAGRAM

2020.09.28

Будда ба Скиф ард түмэн

Шакья нь Төв Азиас гаралтай Скифчүүд байсан гэж үздэг бөгөөд Энэтхэг бус  угсаатан Шакья -Шагжа улс нь Энэтхэгт хожим нүүдэллэж ирсэн Сакас буюу Сак угсааны нүүдэлчидтэй холбогддог. Чингэхлээр энэ нэр эргэлзээгүй Төв Азийн гарал нэг эртний нүүдэлчин түүхтэй хаант улс болно. Гаутама Будда буюу бурхан багш бол цэвэр Энэтхэг газрын хүн бус төв Азийн нүүдэлчдийн гентэй Индо-Скиф кластерт багтах их хүмүүн.